MEIN KONTO
WARENKORB

Terra Lamprat Rapsöl – isch es original „Seisler-Spezialprodukt“

Mario Slongo, ehemaliger Chemiker und Wetterfrosch, zu Gast bei TerraLamprat

Mario_Slongo

S’Rapsöl vom Terra Lamprat, wo Sie online oder denn in verschiedene Gschäft im Sensebezirk chaufe chönd, hät nid nur e gold-geeli Farb. Es isch au „puurs Gold“ wert. D’Rapspflanze wird uf de eigene Felder, ebe em Terra Lamprat, ahbaut. Dia Saat gnüüsst denn dia viele Sunnestunde, wo mir mittlerwiil im Sensebezirk, mit siim voralpine Klima, registriere chönd. Es isch doch immer beiidruckend und ahregend, wemmer d’Rapsblüete uf de Felder mit ihrne lüüchtend hellgeele Farbe bestuune cha. Sie chönd dia ganzi Landschaft verzaubere. Noch der Blüeteziit bilded sich i de Rapsschote d’Rapssame. Us däne chamer denn s‘Rapsöl usspresse und gwünne. Das wertvolle Terroir, das Erdriich, wo dia Rapspflanze drii wachsed, isch de Grund für dia viele Mineralsalz, wo im Lamprat Rapsöl enthalte sind.  Sie sind für üseri Körperfunktione üsserscht wichtig. Wenn mer das Öl richtig analysiere loht, denn stellt mer fescht, dass sich dur d’Seisler Sunne au ganz verschiedeni, lebeswichtigi Omega-3 und Omega-6 Fettsüürene d’bildet hend, wia mer sie susch eigetlich nur dur de Gnuss von Meeresfrücht zue sich neh cha. Es giit aber no e wiiteri Überra-schig in üsserem Lamprat-Rapsöl. Es het, für es Spies-Öl, en überdurchschnittlich hoche, natürliche Vitamin E-Ghalt. S’Vitamin E isch es fettlöslichs Vitamin und wird vor allem in üserer Leber gspiicheret. Es wirkt als Antioxidans, d.h es schützt der Körper und sini Organ vor era früehzittige Alterig. Es isch au im Wesentliche doderfür verantwortlich, dass s’Öl selber nid e so schnell oxidiert, d.h. alteret und dodermit lang haltbar isch. D’Natur schenkt üs also das wichtige Vitamin gratis und franko.Tüend Sie sich öppis Guets und gnüüssed Sie das bsundere Rapsöl, mit siim feine, nussige Gschmack. Es eignet sich sehr zum Koche, Broote und Bache. Es isch aber au für dia kalti Chuchi und feini Desserts sehr beliebt.

TerraLamprat_Raps-Illustration